Kryetari i Lëvizjes qytetare URA Dritan Abazoviq qëndron në vizitë në Gjermani ku po takohet dhe bisedon me deputetët e parlamentit gjerman, Bundestagut.
Abazoviq i njoftoi kolegët me ndodhitë në Mal të Zi dhe kërkoi ndihmë për tejkalimin e krizës politike, të krijuar pas zgjedhjeve parlamentare, njoftohet nga Lëvizje qytetare URA.
Kryetari i Lëvizjes URA Dritan Abazoviq qëndron në Berlin me ftesë të Institutit Aspen të Gjermanisë, në kuadër të konferencës “Zhvillimi ekonomik dhe krijimi i vendeve të reja të punës në Ballkanin perëndimor”.
Me këtë rast Abazoviq vizitoi Ministrinë gjermane të ekonomisë dhe enrgjetikës ku u takua me sekretarin shtetëror Uwe Beckmayerom, gjersa vizitoi edhe parkun Shkencor – teknologjik Adlerahof, i cili punëson mbi 17 mijë punëtorë.