Sekretari i Sekretariatit për veprimtari komunale dhe mbrojtjen e mjedisit jetësor Avdulla Dervishi ka thënë se së shpejti do të shpallet tenderi për rikonstruktimin e rrugës magjistrale prej Krythës deri në Ulqin.
“Kjo është faza e tretë e rikonstruktimit të aksit i cili çon deri në kufi me Shqipërinë dhe do të kushtojë nëntë milion euro”, theksoi ai.
Sipas fjalëve të tija, punimet do të zgjasin një vit, ndërsa do të fillojnë në prill të vitit të ardhshëm.