Nga Instituti për Biologjinë e Detit në Kotor njoftuan se temperatura mesatare e ujit në Detin Adriatik për çdo vit rritet për 0,6 gradë Celsius.
Siç thonë, kjo gjë është në favor të zhvillimit të llojeve bimore dhe të kafshëve invazive. “Këtu, para së gjithash, mendohet për peshqit, gaforret dhe organizmat tjera detare, të cilët në pjesën më të madhe ndikojnë negativisht në ekosistemin detar, ndërsa një nga faktorët kyç është rritja e temperaturës së detit”, thonë në këtë institucion dhe shtojnë se llojet e reja, më rezistente i largojnë ato vendase.
“Në këtë mënyrë ato bëjnë dëm të caktuar, i cili, para së gjithash, ka të bëjë me zvogëlim në peshkim, pra zënien e hapësirës në krahasim me llojet vendase”, thonë nga Instituti.
