Drejtoria e Policisë së Malit të Zi solli vendimin për ndalimin e kryerjes së liturgjisë së Mitropolisë Malazeze – Bregdetare të Kishës Ortodokse Serbe me 7 korrik, para kishës së Shën Gjonit në Shas, mëson Portali Ul-info.
Policia nuk e përjashton mundësinë që liturgjia të dielën të mbahet në hapësirën poshtë Kalasë në Shas.
Nga Qendra për Kulturë e Ulqinit njoftuan se në qershor u vendos porta në hyrjen e Lokalitetit arkeologjik në Shas dhe se në këtë hapësirë po kryhen punimet intensive në bashkëpunim me Ministrinë e Kulturës – Drejtorinë për Trashëgiminë Kulturore, Drejtorinë për Mbrojtjen e Të Mirave Kulturore dhe Qendrën për Konservim dhe Arkeologji të Malit të Zi.