Kryeministri i Malit të Zi Millo Gjukanoviq ka deklaruar se gjatë vizitës së tij të para pak kohëve në Francë investitorët nga ky vend kishin interesim për projekte konkrete.
Ato, siç tha ai, përveç të tjerash treguan interesim edhe për Adën.
Më herët një sërë kompanish, ndër të cilët ishte “Gintashi” turk dhe familja mbretërore nga Abu Dabi, dëshironin të marrin me qira Adën.
Qeveria malazeze ka deklaruar se do të formojë Komisionin e tenderit për qiradhënie të këtij ishulli të mrekullueshëm në grykë të Bunës nëpërmjet partneritetit publik-privat.
