Në kuadër të Programit rajonal të demokracisë lokale në Ballkanin Perëndimor (ReLOaD), u hulumtua shkalla e vetëvrasjeve në Mal të Zi.
Siç njoftoi psikologja Millana Zharkoviq, Ulqini është qyteti me shkallën më të ulët të vetëvrasjeve në Bregdet.
“Sipas hulumtimit, vitet kur ishte shkalla më e lartë e vetëvrasjeve ishin 2001, 2003 dhe 2006, pra vitet kur kanë ndodhur trazirat ekonomike dhe politike. Si motive më të shpeshta për vetëvrasje tek të rinjtë janë vërejtur: arritjet e dobëta shkollore, përsëritja e klasës, sjellja e cila solli përjashtimin nga shkolla, mungesa e stabilitetit social, xhelozia patologjike, konflikti me prindërit, abuzimi dhe dhuna e moshatarëve”, tha ajo.
