Kryetari i Komunës së Ulqinit dhe kryetari i Këshillit Komunal të Partisë Demokratike të Socialistëve Loro Nrekiq thirri të shtunën mbledhjen urgjente të koalicionit qeverisës, mëson Portali Ul-info.
Tema kryesore e takimit janë hapat të cilat duhet të ndërmerren lidhur me vendimin e Gjykatës së Apelit që kompanisë “Rekreaturs”, e cila punon në përbërje të kompanisë “Atlas Grup” e cila është në faliment, ti paguhen gjashtë milion euro.
“Duhet të shohim se çfarë do të bëjmë, sepse rasti i prishjes së pushimores së sindikatës së punëtorëve të Kosovës (K1) në Plazhin e Madh ndodhi në vitin 1983, ndërsa neve që nuk kemi asnjëfarë fajit na u dorëzua fatura me vlerë të buxhetit tonë vjetor. Nëse do të bllokohemi kjo do të ishte praktikisht falimentim i Komunës tonë në fillim të sezonit”, thonë nga administrata lokale.
Pritet që pas mbledhjes, e cila fillon në ora 20.00, të jepet kumtesa për opinion.
