Nga Partia demokratike e socialistëve është njoftuar se nuk ekziston aneksi i marrëveshjes së koalicionit për ushtrimin e pushtetit në nivel shtetëror me Forcën e re demokratike.
Me aneksin e supozuar përcaktohet, në mes tjerash, që Tuzi deri në fund të prillit të vitit të ardhshëm të bëhet komunë e plotë.
“Nuk jam i informuar për këtë gjë. Atë çfarë mund të them në këtë temë është që PDS-ka ka thënë çdo gjë në atë moment kur në bazë të marrëveshjes me partitë shqiptare ia dërgojë Kuvendit draftin e ligjit për organizim territorial. Qëndrojmë mbas këtij draft të ligjit i cili momentalisht është në Parlament, e kur do të shqyrtohet, varet nga ajo se a do të fitojë shumicën e nevojshme apo jo”, tha për TV Vijesti drejtori politik i PDS-së Tarzan Millosheviq.