Wednesday , May 22 2019
Lajmi i fundit

Miss Shqipëria: SPEKTAKLI MUND TË FILLOJË

Miss Shqiperia 112245“Miss Shqipëria” do të dhurojë një super spektakël e kjo është mirëmenduar që nga prezantimi deri tek detajet e tjera që shoqërojnë garën e bukurisë. Prezantuese do të jetë bukuroshja Orinda Huta, e cila do të thërrasë edhe emrin e mbretëreshës së bukurisë shqiptare për vitin 2014. Elementë të tjerë që do t’i japin edhe më atmosferë të premtes në Ulqin do të jenë edhe pjesëmarrja e disa artistëve të kalibrit të lartë, siç janë; Irma Libohova, Elton Deda, Redon Makashi, Aleksandër Gjoka, Mihrije Braha, etj., ndërkohë që edhe vetë prezantuesja, e njohur në fillimet e veta si këngëtare, Orinda Huta do të interpretojë një kompozim mjaft interesant. Vajzat e drejtuara nga koreografia Olta Ahmetaj janë gati, çka do të thotë se edhe performanca e tyre pritet të jetë nga ato që mbahen mend gjatë. Gjithashtu këtë vit bashkë me organizatorët në turin e “Miss Shqipëria” ka qenë edhe një grup i studios, “Maximus” në Kosovë, fitues të çmimit Regjia më e Mirë, në Festivalin e Klipit Shqiptar, nata gala e të cilit u mbajt në Shkup këtë 2 qershor. Ata kanë ardhur për të ndjekur turin dhe kanë ekskluzivitetin e realizimit të klipeve brenda spektaklit. Me teknologji të fjalës së fundit dhe formë dhe ide interesante realizimi edhe produktet e “Maximus” pritet të provokojnë emocione në publikun e “Miss Shqipëria”. Ndërkohë, Florenza Lekstakaj, “Miss Shqipëria 2013”, e cila ka qenë gjithashtu pjesë e turit të këtij viti, mbrëmjen e 27 qershorit do t’i dorëzojë kurorën një tjetër mbretëreshe të bukurisë, e cila do të përzgjidhet nga juria e përbërë nga Virgjil Kule, Kledi Kadiu, Mark Frroku, Holta Dulaku, Ylljet Aliçka, Amarda Toska, Arlinda Dudaj dhe Florenza Lekstakaj.

Foto: Sejdo Ismaili

3 comments

  1. Ka mundur ky qytet edhe pa kete te ashtuquajtur spektakel erotike pa moralshem e sidomos ne prag te muajit te madhnueshem Ramazanit flitni per oferte turistike e keto dite eshte zvogluar numri i turisteve e jo rritur keshtu qi ketovspektskle nuk kajn te bejne me turizem vec moti i mire munf te shtoj numrin e turisteve

  2. bindus, mas flit marrina aman se na lodhe…

  3. Me drejte e ke bindus skajn marre tesh para Ramazanit me na lodh me Miss lakuriqi.
    Populli done me hanger buke, puntoret dojne rroga e jo harxhime te teperta ha pi rri.
    Ishalla pa shken ky kryetari se ball maaaaa, na hedhi ne bankrot.

Komento te bindus Cancel reply

Your email address will not be published. Required fields are marked *

*

Scroll To Top