Thursday , October 22 2020
Lajmi i fundit

MSJA: Festimi i Ditës së Brezit të Gjelbër 2020

 

MSJANë afërsi të Shkodrës, ditën e enjte, më datë 24 shtator, festohet Dita Evropiane e Brezit të Gjelbër, një nismë tejet me vlerë për ruajtjen e natyrës, e cila simbolizon lidhjen e ngushtë midis historisë njerëzore dhe ruajtjes së trashëgimisë natyrore evropiane.

Në fshatin Shirokë, një vendndodhje e pikasur për natyrën dhe traditat, do të mbahet panairi i produkteve lokale, ku grupe të ndryshme interesi do të promovojnë vlerat natyrore e turistike të zonave përreth, duke krijuar një hapësirë për të ndërtuar marrëdhënie bashkëpunimi me qëllim zhvillimin e turizmit dhe aktiviteteve të qëndrueshme social-ekonomike.

Gjithashtu, në kuadër të kësaj dite, në Parkun Natyror të Kripores së Ulqinit do të organizohet një ekspeditë për monitorimin e shpendëve, ku do të marrin pjesë ekspertë të fushës së bashku me studentë të kësaj zone, të cilët do të kenë mundësi të përvetësojnë praktikat më të mira të monitorimit dhe identifikimit të shpendëve.

Ky aktivitet organizohet nga PPNEA në bashkëpunim me Organizatën MSJA-Dr. Martin Schneider-Jacoby Association dhe Shoqatën Well Point.

Komento

Your email address will not be published. Required fields are marked *

*

Scroll To Top