Drejtori ekzekutiv i Ndërmarrjes hotelerike-turistike “Riviera e Ulqinit” Radomir-Mikan Zec ka deklaruar se ky sezon do të jetë shumë i suksesshëm.
Ai për “Pobjeda” tha se në gjashtë vitet e kaluara është investuar rreth dy milion euro në përmirësimin e ofertës në këtë ndërmarrje më të madhe turistike në Ulqin. “Para shtatë vitesh në objektet e Plazhit të madh në Adë standardi ishte nën zero. Fasadat e jashtme nuk ishin lyer prej vitit 70, gjegjësisht prej ndërtimit të hotelit”, tha Zec.
Tani kompleksi në Adë të Bunës fitoi nga Komisioni për standardizim dhe kategorizim të objekteve i Ministrisë së zhvillimit të qëndrueshëm dhe turizmit tre plus yje, “Olimpiku ka tre”, ndërsa “Belvi” dy yje.
