Organizata e shoqërisë civile “HORIZONTI i RI”, sikur edhe vite me radhë, do të organizojë shënimin e Ditës së Evropës në Ulqin. Me 9 Maj, në hapësirën përpara ndërtesës së Komunës, me një performancë simbolike, ku do të marrin pjesë përfaqësues të vetëqeverisjes lokale, aktivistë të shoqërisë civile dhe nxënës të shkolles, do të shënohet Dita e Evropës në Ulqin.
Ky aktivitet realizohet në kuadër të projektit “Evropa për të rinj”, të mbështetur nga Komisioni për ndarjen e mjeteve nga lojërat e fatit.
“HORIZONTI i RI është subjekti i vetëm në komunën e Ulqinit që në mënyrë sistematike merret me promovimin e vlerave evropiane dhe evroatlantike, me edukimin e të rinjve për proceset integruese dhe diversitetin kulturor”, është kumtuar nga kjo OJQ.
