Organizata e Ulqinit ka lajmëruar që është në fazën përfundimtare të punimit të materialeve të reja propaganduese për sezonin 2014.Bëhet fjalë për broshurën në tre gjuhë (anglisht, shqip dhe malazezisht), hartën e rivierës së Ulqinit, hartën e Qytetit të vjetër me monumente kulturo-historike të vizatuara në hollësi, fotografi të ndryshme, “bookmarks”. Janë përgatitur dhe paketa të rastit në të cilat gjenden të gjitha këto materialet, e të cilat do ti ndahen turistave.
“Me këto materiale të reja propaganduese do të marrim pjesë në panairet e ardhshme në vend dhe jashtë shtetit”, kanë thënë nga OT Ulqin.