Friday , March 5 2021
Lajmi i fundit

Sami Kraja: Vështrim për dy librat më të reja të Gani Karamanaga

Në bibliotekën time kam një libër të shkruar para 50 vjetësh për monumentet kulturore në Shqipëri, me autor Rrok Zajzi. Por, libri i juaj, ndryshe nga ai, dallohet se ju i keni jetësuar monumentet historike, i keni lidhur me personazhe historikë e bashkëkohës e ata flasin me hollësi për monumentet e një qyteti si Ulqini. E për këtë meritoni përgëzime të veçanta. Kam edhe një album tjetër të Kahraman Ulqinit, i cili rreshton disa fotografi cilësore të Fototekës “Marubi”, por ka pak monumente historike.

Unë, i dashur Gano, dua të shtoj edhe një vlerë tjetër të librit tuaj, pikërisht këndvështrimin e gjerë të monumenteve të kulturës ulqinake. Gjen aty institucione të vjetra, shtëpi karakteristike qytetare, shkolla, kroje, xhami, kisha e të tjera, që nuk di t’i ketë bërë dikush tjetër. Të lumtë!Gani Karamanaga Monumentet

Një mjek i vjetër, i njohur e i nderuar në Shkodër, të cilit unë ia dhuroj me qejf librat e mi e ai i lexon me dëshirë, është shprehur se:

“Ganiu në librat e tij përdor apo përmend shumë emra”.

Nuk e di qëllimin, por shokut tim që ma solli këtë mendim i thashë se po të kisha mundësi e aftësi do t’i rreshtoja në një libër të gjithë emrat e njerëzve të mirë që ka pasur e ka Shkodra. Mua më duket se ti ke arritur që me këtë libër të rreshtosh objekte me vlerë, por edhe shumë njerëz të vlerësuar e të nderuar. Edhe për këtë, ju lumtë! Suksese të mëtejshme!Mullini i eres

Mora edhe librin “Mullini i erës”, i cili, si zakonisht, më pëlqeu për lidhjen e paraqitur estetike, që unë nuk i afrohem me librat e mi Të falënderoj që më kishe vënë emrin si lektor, por unë të kam thënë, unë kam kryer vetëm një detyrim, obligim, për të dhënë një kontribut modest, që për mua është i papërfillshëm. Sidoqoftë, të falënderoj.

Po e përfundoj këtë letër me urimin e bardhë:

“Për shumë vjet e me lumturi e suksese Vitin e Ri 2021!.. Përshëndetje të përzemërta Netes, djemve, nuseve e sidomos nipave tuaj të çmuar.

(Sami Kraja, publicist, shkrimtar nga Shkodra)

Komento

Your email address will not be published. Required fields are marked *

*

Scroll To Top