Nga Bashkësia islame për Portalin Ul-info është njoftuar se të hënën do të organizohet solemniteti me rastin e rikonstruktimit të disa hapësirave në selinë e këtij institucioni.
Siç thuhet, këto punime janë kryer me përkrahjen financiare të Agjencisë turke për zhvillim – TIKA.
Të njëjtën ditë do të shënohet dhe përfundimi i punimeve në rikonstruktimin e tyrbes Pulti, tek ish Stacioni i autobusëve.
Në këto solemnitete do të marrin pjesë përfaqësuesit e TIKES, të Ambasadës së Republikës Turke dhe të komunës së Ulqinit.
