Nga Ndërmarrja Publike për Administrimin e të Mirave Detare kanë njoftuar se me 18.06.2021 kanë përfunduar punimet urgjente për ndalimin e erozionit të plazhit në pjesën perëndimore të Adës së Bunës.
“Punimet kanë përfshirë mbushjen e plazhit me rërë e cila është nxjerrë gjatë thellimit të lumit Buna viteve të fundit”, tha Omer Bajraktari, koordinatori i Ndërmarrjes Publike për Administrimin e të Mirave Detare për Komunën e Ulqinit dhe Komunën e Tivarit.
Gjithsej janë shtrirë 35.000 m3 rërë, kështu që momentalisht plazhi ka gjerësi rreth 35 metër dhe gjatësi rreth 300 metër.
