Friday , November 27 2020
Lajmi i fundit

Traditë detarie: FAMILJA DETARE – NIMANBEGU

Hajro Nimanbegu Shkruan: Dr. Gani Karamanaga
Familja e Nimanbegëve është e dalluar në Ulqin për dy karakteristika: e kanë pasur barkën me vela më të madhen ndër ulqinakë dhe ndër shqiptarë në përgjithësi, ‘Poskiq’, si dhe, Jakup Begu, i pari ndër ulqinakë mori diplomën kapidan i lundrimeve të gjata.

Për këtë familje të famshme pronarësh barkash dhe detare, na kallëzon zotëri Hajro Nimanbegu (1940).

Familja është e lindur dhe e rritur në Kala (të Ulqinit). Informatori na thotë: – E mbaj në mend, por si dhe janë kallëzime prej nënës së madhe, gjyshes Mine.

Një djalë, s’ia mbaj në mend emrin, nga fillimi i shek. XIX, dy hallat e veta, të fesë tjetër, kanë vdekur më 1815 dhe më 1818. Shtëpinë e kanë pasur te shtëpia e Niman Begut.

Tre breza kanë shkuar: 1) Nimani I, 2) Jakupi I, 3) Nimani II. Nimanit II i fali zoti 4 fëmijë: Jakupi, më i madhi, Hyseini, Maliqi dhe gjyshi im – Rashidi.

Të gjithë kanë qenë detarë. I madhi dhe i vogli e kanë vazhduar pa shkëputje lundrimin, detarinë. Tanë jetën e kanë kaluar si lundrues, detarë, si edhe Maliqi.

JAKUPI, në Ulqin, si kapidan i parë i lundrimeve të gjata, i pari ishte që e ka marrë diplomën me shkrim, në prill të 1905, nga Principata e atëhershme e Knjaz Nikollës.

RASHIDI nuk më kujtohet datëlindja, ka vdekur më 1927, në Durrës. Në breg e ka zënë qymyri. Po ashtu ka qenë kapidan, i lundrimeve bregore dhe mesdhetare.

Hyseini është marrë me detari dhe tregti. Ka lundruar kohë pas kohe. Ka vdekur dikur me 1947 në Ulqin.

Nga familja e Jakup Begut, djali më i madhi, dy djemtë e tij: Nimani IV dhe Hyseini (babai i Cafo Nimanbegut) kanë qenë motorista. Nimani IV ka qenë edhe vozitës i anijes. Djali i Nimanit IV, djali i tretë i tij – Skënderi, është kapidan i parë ndër Niman-begët, kapidan i lundrimeve të gjata, i shkolluar.

Në Kotorr e ka mbaruar Shkollën e Mesme dhe atë të Lartë të Detarisë, e ka titullin kapidan i lundrimeve transoqeanike. Skënderi punon në portin e Tivarit, tash në një agjenci të eksportit. Të tjerët – shpjegon informatori ynë – nuk janë marrë me detari.

Nga familja e Rashid Begut (edhe Rashidi është kapidan), djemtë e tij: Enveri, është kapidan i lundrimeve bregore. Ndër të parët pas Luftës II Botërore ka qenë me diplomë edhe djali i dytë, Muhamedi, ndjesë pastë – ka qenë detar – noshtromo. S’ka pasur mundësi të aftësohet, të shkollohet më gjatë.

Familja e Enver Begut, djali i dytë, Rashidi, është kapidan e ka kryer Shkollën e Lartë të Detarisë në Kotorr.

Nga familja e Hysein Begut s’është marrë më kush me det. Janë marrë me tregti.

Nga familja e Maliq Begut, vëllai i tretë sipas moshës, të gjithë janë marrë me detari.

Fahrija (Jushi) – marinar – peshkatar.

Avdoja – kapidan (s`janë shkolluar, por kanë marrë certifikata gjegjëse). Ka lundruar nëpër Mesdhe.

Serveti – marinar – noshtromo.

Zyti – ka vozitur jaht të Zarës. Është kapidan i anijeve turistike, anijeve të veçanta. Është lundrus i rrallë në Ulqin.

Prej të gjithë këtyre të gjallë janë: Avdoja më i moçmi, është në pension. Zyti, i dyti nga

mosha, është i papunë, meqë punonte në Kroaci. Skënderi, thamë, punon në Tivar. Reshoja është në Amerikë dhe Ulqin.

Këtu e përfundojmë tregimin për familjen detare Nimanbegu.

Po sa shumë që di ky Hajro Nimanbegu, e sa pak më tha! Shëndosh! Sigurisht një herë tjetër do të më kallëzojë për detin, detarët, barkat…

Do të më flasë për të tjera ngjarje të Ulqinit, Kalasë…

Hajro Ulqinaku

Dy vëllezër kapidana:Jakup dhe Rashid Nimanbegu

Dy vëllezër kapidana:Jakup dhe Rashid Nimanbegu

Komento

Your email address will not be published. Required fields are marked *

*

Scroll To Top