Thursday , February 20 2020
Lajmi i fundit

Vazhdimi i mbledhjes së Kuvendit komunal: DO TË JETË KUR TË JETË

As në mbledhjen e kolegjiumit të Kuvendit komunal të Ulqinit e cila u mbajt të shtunën nuk është caktuar data e vazhdimit të seancës së filluar të Parlamentit lokal. Partia demokratike socialiste ka lajmëruar që këshilltarët e saj do të jenë të zënë të hënën dhe të martën, ndërsa më herët është vendosur që mbledhjet e Kuvendit, nuk do të mbahet gjatë muajit të shenjtë mysliman Ramazanit.

Për këtë arsye është e pasigurt kur do të vazhdohet mbledhja, gjegjësisht kur do të vendoset për Raportin për punën e kryetarit të komunës Nazif Cungu për vitin 2012.

E vetmja gjë e sigurt është që koalicioni në pushtet në Ulqin nga premtja ekziston vetëm formalisht në këtë përbërje. Në mbledhjen e djeshme të Parlamentit nuk ishin të pranishëm këshilltarët e partisë Socialdemokrate dhe të Iniciativës qytetare “Perspektiva”, nga Partia demokratike e Fatmir Gjekes është paralajmëruar që nuk do të votojnë për raportin e Cungut, derisa PDS ka thyer praktiken që opozita pushtetit nuk i bënë kuorum.

Ditët dhe javët në vijim do të tregojnë se në çfarë mënyre do të zgjidhet kriza politike në Ulqin.

Komento

Your email address will not be published. Required fields are marked *

*

Scroll To Top