Sipas kontraktorit, SPIGA S.R.P. nga Italia, punimet po hyjnë në fazën përfundimtare.
E kuptoj plotësisht pakënaqësinë dhe vështirësitë e qytetarëve në funksionimin dhe kryerjen e aktiviteteve të tyre të përditshme për shkak të rrugëve të gërmuara.
Projekti i ndërtimit të rrjetit të kanalizimeve nënkupton vendosjen e tubacioneve të ujërave të zeza në një thellësi rreth 2 metra nën sipërfaqe, kështu që nuk mund të shmangej gërmimi i rrugëve dhe shtigjeve.
Projekti i ndërtimit të rrjetit të kanalizimit për lagjet Totosh, Mali i Bardhë, Braticë dhe Kodra ka një rëndësi të madhe për Ulqinin, i cili synon të jetë një destinacion turistik konkurrues.
Realizimi i këtij projekti zgjidh në mënyrë të përhershme derdhjen e ujërave të zeza nga lagjet e përmendura në kanalin e Braticës dhe në këtë mënyrë zgjidh një problem madhor mjedisor për ne dhe brezat e ardhshëm.
Jam i sigurt se përfitimet e këtij projekti do të zhvendosin shpejt kujtesën e shqetësimeve dhe problemeve që kanë ndodhur gjatë fazës së ndërtimit.
Të gjithë bashkëqytetarve të këtyre lagjeve i falenderohem në bashkëpunim dhe mirëkuptim!
