Gjatë muajit gushtë do të mbahen dy aktivitete të rëndësishme për klubin e Taekwondo-së Ulqini. Në Bosne në qytetin e Sarajevës me datë 28-31.08.2023 do të mbahet kampionati botëror për kategorin kadet.
Ndërsa në Estoni në qytetin e Tallinit me datë 24-26.08.2023 do të mbahet kampionati Europian për kategorinë junior. Në këto dy ngjarje sportive do të paraqiten edhe dy sportiste nga Ulqini. Nga klubi i Taekwondo-së Ulqini dy sportiste do ta perfaqësojnë Malin e Zi në kampionatin europian e botëror.
Sportistja Arta Ismailaga në kuadër të përfaqësueses së Malit të Zi do të jetë pjesë e përfaqësueses e cila do të paraqitet në kampionatin europian në Estoni. Ndërsa sportistja Amella Nuti do të paraqitet në kampionatin botëror e cila do të mbahet në Sarajevë.
Një tjetër suksesë i sportit të Taekwondo-së Ulqini i cili edhe këtë vit arriti të paraqitet në kampionate prestigjoze. Trajneri i klubit të Taekwondo-së Ulqini Fikret Dushku do të jetë udhëheq i ekipit të Malit të Zi.
Suksese sportistëve të Taekwondo-së Ulqini!
