Hotel Mediteran nisi sot aktivitetin tradicional “Një Dhuratë nga Babadimri”, i sponsorizuar nga Becovic Management Group. Ky event mikpret mbi 600 fëmijë nga kopshtet private dhe publike të Ulqinit, duke ofruar takime magjike me Babadimrin, foto kujtimore dhe dhurata festive. Pjesëmarrësit e vegjël u gëzuan nga atmosfera e ngrohtë dhe festive, që përfshinte një dekor të mrekullueshëm dhe shumë surpriza.
Ngjarja u hap me pjesëmarrjen speciale të Drejtorit të Organizates Turistike të Ulqinit, Qazim Hoxhiq, i cili theksoi rëndësinë e këtij aktiviteti për komunitetin lokal. “Ky aktivitet jo vetëm që sjell gëzim për më të vegjëlit e Ulqinit, por gjithashtu ka potencialin të shëndërrohet në një atraksion për qytetin tonë në të ardhmen,” tha Hoxhiq.
Pika kulmore e aktivitetit ishte takimi magjik me Babadimrin. Çdo fëmijë pati mundësinë të takohej me të, të bisedonte pak, të shkrepte një foto kujtimore dhe të merrte një dhuratë speciale, duke siguruar një eksperiencë të paharrueshme për çdo pjesëmarrës të vogël.
Suzana Muja, Drejtoreshë e Përgjithshme e Hotel Mediteran, shprehu entuziazmin e saj për këtë traditë të përvitshme. “Ne në Hotel Mediteran jemi të lumtur që organizojmë këtë aktivitet çdo vit. Është një privilegj të shpërndajmë gëzim festiv dhe të krijojmë kujtime të bukura për fëmijët e komunitetit tonë,” tha Muja. Ajo gjithashtu falënderoi Becovic Management Group dhe Z. Isa Becovic për sponsorizimin e kësaj ngjarje dhe mbështetje të vazhdueshme ndaj iniciativave që kontribuojnë në zhvillimin e komunitetit lokal.
Ky aktivitet është pjesë e angazhimit të Hotel Mediteran për të mbështetur dhe zhvilluar ngjarje lokale që kontribuojnë në forcimin e lidhjeve brenda komunitetit dhe promovimin e vlerave festive të qytetit.
“Një Dhuratë nga Babadimri” përfaqëson thelbin e shpirtit festiv, duke na kujtuar se gëzimi më i madh vjen nga ndarja e lumturisë me të tjerët.
