Komuna: AMBASADORI DEL MONAKO VIZITOI ULQININ

Ambasador Del MonakoMe ftesë të kryetarit të Komunës së Ulqinit Nazif Cungut, sot në Ulqin ishte i pranishëm ambasadori i Republikës së Italisë në Mal të Zi Vinçenco Del Monako me bashkëpunëtorë.
Kryetari Cungu e njoftoi mysafirin me bashkëpunimin e deritashëm në mes të Komunës së Ulqinit dhe institucioneve të këtij vendi në fushat e ekonomisë dhe kulturës, pjesëmarrjen e Zyrës për bashkëpunim ndërkombëtar dhe projekte të Komunës së Ulqinit në programet e BE-së, sidomos në ato trilateralet me rajonet Moliza dhe Pula, pjesëmarrjen e komunës në punën e Euroregjionit Adriatik – Jon, si dhe aktivitetet tjera.
Kryetari Cungu tha se prania e investitorëve italian në Ulqin dhe Mal të Zi është nivel modest dhe se bashkë duhet të punohet në këtë drejtim në mënyrë që investimet e tyre të jenë më të pranishme.
Ambasadori Del Monako pohoi gatishmërinë e Ambasadës që të përkrahë Komunën e Ulqinit në qëllimin e saj të bashkëpunimit më intensive me organizatat dhe sipërmarrjet nga ky vend.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…