Hudhra: SUPER-USHQIM PËR IMUNITET TË SHKËLQYER, NË VEÇANTI NËSE ËSHTË E VENDIT

“Super-ushqimi” është fjalë e njohur, në modë, të cilën sigurisht e keni lexuar në portale të ndryshme, e keni hasur në supermarkete ose e keni dëgjuar nga miqtë qëllimmirë. Dita ditës dalin “super-ushqime” të fundit që janë në trend. Pavarësisht a bëhet fjalë për frytet e rralla nga Amazona ose farërat që shërojnë çdo sëmundje të njohur për njerëzimin, shumica e super-ushqimeve bazohet në reklama intensive, e jo në prova dhe përparësi reale për shëndetin.Bijeli luk, hudhra

“Edhe pse nuk ekziston diçka e tillë si “super-ushqim”, hartuam një listë të shkurtë ushqimesh të cilët bazohen në një numër të konsiderueshëm provash shkencore”, thanë nga baza më e madhe, e pavarur e të dhënave mbi suplementet dhe ushqimet, examine.com.

Ushqimi i parë në këtë listë është hudhra. “Përfshirja e thelpinjve të hudhrës në ushqimin tuaj është një nga vetitë më të shëndetshme që mund të keni”, thonë nga examine.com.

Ekzistojnë prova të forta të cilat sugjerojnë se hudhra përmirëson shëndetin kardiovaskular duke ulur tensionin dhe duke përmirësuar profilet e kolesterolit. Ajo po ashtu ofron përparësi antioksiduese sepse përkrah aktivitetin e gluationit, antioksiduesit të fuqishëm. Gjithashtu, ekzistojnë provat që tregojnë se përdorimi i hudhrës mund të ul nivelet e sheqerit në gjak para ngrënies.

Duke përmirësuar aftësinë e rruazave të bardha të gjakut për të luftuar “ndërhyrësit” dhe duke rritur prodhimin e qelizave T (T limfociteve), hudhra mund të forcojë sistemin imunitar dhe kështu të zvogëlojë rrezikun nga ftohjet dhe infeksionet tjera. Mirëpo, hudhra nuk mund të zvogëlojë kohëzgjatjen e sëmundjes dhe as intensitetin e simptomave; ajo është vetëm suplement preventiv.

Ilustrimi: EXAMINE
Ilustrimi: EXAMINE

Duhet të keni parasysh se nëse përdorni ilaçe për hollimin e gjakut ose për uljen e tensionit, atëherë suplementimi me hudhër mund të jetë problematik. Prandaj është shumë me rëndësi që, nëse përdorni ilaçe, të këshilloheni me mjekun ose farmacistin para përdorimit të hudhrës.

Për të maksimizuar benefitet e hudhrës, hani 3-6 thelpinj të ndarë në disa vakte. Fillimisht copëtojeni ose shtypeni, për të aktivuar substancat bioaktive, pastaj përdoreni sipas dëshirës. Nëse s’e pëlqeni aromën ose shijen e hudhrës, apo dëshironi të shmangni erën e keqe të gojës, mund të përdorni tabletat e ekstraktit të hudhrës, të cilat mund t’i gjeni në çdo farmaci.

Në rrethinën e Ulqinit prodhohet hudhra me cilësi të lartë, ndërsa ajo është përbërës i shpeshtë në kuzhinën tonë tradicionale. Qoftet me kos, pula me lëngë, mishi kapamah, mish qengji me lëngë dhe kos, si dhe të gjithë format e gatimit tradicional të peshkut, janë vetëm disa nga ushqimet ku hudhra jep shije të veçantë.

E përveç shijes, ajo dukshëm jep edhe benefite të veçanta për shëndetin tonë! Në veçanti, ashtu si edhe qepa, është nga vendi ku jetojmë.

Leave a Reply

Your email address will not be published.

Të premten në Kala: Përurimi i dy librave të Adriatik Kelmendit
Të premten në Kala: Përurimi i dy librave të Adriatik Kelmendit

  Promovimi i dy librave të njohur, të autorit Adriatik Kelmendi, do bëhet në hapësirat e Muzeut të Ulqinit, të premten nga ora 20:30, në Kalanë e Ulqinit. Këtë e bëri të ditur vet drejtori i Klan

Policia: ARRESTOHET PERSONI ME 54 GRAMË MARIHUANË
Policia: ARRESTOHET PERSONI ME 54 GRAMË MARIHUANË

Mbrëmë rreth orës 19:30 policia ka ndaluar veturën në Kodra dhe ka kontrolluar shoferin P.P. (42) nga Tivari, është bërë e ditur nga Drejtoria e policisë. “Aty është gjetur një pako PVC me lëndë narkotike

Qeveria e Malit të Zi: NGA NESËR MË TË LIRË ÇMIMET E KARBURANTIT
Qeveria e Malit të Zi: NGA NESËR MË TË LIRË ÇMIMET E KARBURANTIT

Nga e martja do të ketë zbritje të re në të gjitha llojet e karburanteve nga nëntë deri në 12 cent në pompa, shkruajnë mediat. Eurosuper 98 do të kushtojë 1.39 euro, Eurosuper 95 do të kushtojë 1.35 euro,

Keshilli Organizativ : PROTESTA NË KRYTHË SHTYHET PËR JAVËN E ARDHËSHME
Keshilli Organizativ : PROTESTA NË KRYTHË SHTYHET PËR JAVËN E ARDHËSHME

Ju informojme se pas ngjarjes tragjike te ndodhur ne qytetin e Cetines dhe ne shenje repekti ndaj familjeve te viktimave, Keshilli Organizativ i protestes se banoreve te Krythes dhe Mërkotit kane marre

Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN
Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN

Sekretari shtetëror i Ministrisë së Financave, dr Agron Ibrahimi, dhe drejtori i Drejtorisë për Investime Kapitale, Esmir Beqaj, do të qëndrojnë të hënën per vizitë zyrtare në Komunën e Ulqinit. Ato do