“Deklaratat e politikanit shqiptar Koço Danaj për projektin e Shqipërisë natyrale shkojnë në favor të koalicionit qeverisës, i cili nuk dëshiron të organizoj referendumin në të cilin qytetarët e Malësisë do të deklaroheshin a dëshirojnë komunë”, mendon deputeti i Malit të Zi Pozitiv, Dritan Abazoviq.
Ai për agjencinë Mina tha që është i befasuar “sa hapësirë nga dita në ditë i jepet njeriut, i cili ka të drejtë të mendoj me kokën e vet dhe të përfaqësoj disa qëndrime, por ato qëndrime të tija nuk kanë asnjë lloj përkrahje në shtetin e tij amë, as në shtetet tjera ku jetojnë shqiptarët”.
Abazoviq mendon që e gjitha kjo është në shërbim të diçkaje fare tjetër dhe që në Mal të Zi i shkon në favor koalicionit në pushtet. “Sepse, regjimi aktual nuk dëshiron të merret me çështjet konkrete jetësore të Shqiptarëve në Mal të Zi, por as të qytetarëve tjerë”, përfundoi ai.
