„Zgjedhja më e drejtë për daljen nga kriza politike në të cilën ndodhet Mali i Zi janë zgjedhjet parlamentare“, ka deklaruar deputeti i „Malit të Zi Pozitiv“ Dritan Abazoviq.
Ai për „Dnevne Novine“ tha që për më pak se një vit të mandatit të vet Qeveria e Kryeministrit Millo Gjukanoviq ka treguar joefikasitet të lartë, kështu që në vend të zgjidhjes problemet janë shtuar.
„Mendoj, megjithatë, që Qeveria “vallëzojë” edhe një vjeshtë, sepse koalicioni në pushtet është i motivuar vetëm nga interesat personale dhe jo nga ato shtetërore“, tha Abazoviq duke shtuar që shtyrja e zgjedhjeve do të sjell shpenzim të panevojshëm të kohës dhe energjisë.
Sipas fjalëve të tija, qytetarët presin pjesëmarrje të përbashkët të opozitës në zgjedhje. “Ndryshimet janë afër dhe nuk do ti presim gjatë”, theksoi ai.
