Deputeti në Kuvendin e Malit të Zi Dritan Abazoviq merr pjesë në tubimin e parlamentarëve të Europës juglindore e cila këtë fundjavë mbahet në kryeqytetin Bullgar, Sofje.
Bëhet fjalë për takimin e Komitetit për infrastrukturë SEECP, gjegjësisht rrjetit të parlamenteve të Ballkanit.
Siç njoftohet zyrtarisht, në këtë tubim është biseduar për projektet e rëndësishme të infrastrukturës të cilat duhet të lidhin edhe më shumë këtë regjion, sidomos për investimet në ndërtimin e autostradave dhe rrjetit të hekurudhës.
Gjatë qëndrimit në Sofje Abazoviq kishte një sërë bisedimesh me kolegët e vet parlamentarë të cilët marrin pjesë në këtë tubim.
