ABAZOVIQ: Shans i fundit për pushtetin e Ulqinit

“Qytetarët e Ulqinit thjesht nuk kanë fat me pushtetet lokale. Mbasi që është investuar energji e madhe për të arritur ndryshimet e shumëpritura politike, është e qartë që pushteti i ri ka zhgënjyer në shumëçka, por akoma më keq, në masë të madhe kujton në të kaluarin. Premtimet e mëdha janë treguar si demagogji e pabazuar për përfitimin e pikëve të lira politike, ndërsa ekspertiza dhe projektet e ashtuquajtura, si imagjinatë artistike pa kurrfarë baze”, deklaroi deputeti në Parlamentin e Malit të Zi Dritan Abazoviq.

Ai në deklaratën për shtyp tha që “për këtë arsye, sezoni i ardhshëm turistik është shansi i fundit që pushteti aktual lokal të shpëtoi karrierën e vet politike, por edhe më e rëndësishme, të shpëtoi fytyrën e vet”. “Sepse, nuk guxon më të ketë arsyetim. Qytetarët fillimisht thanë, do të presim 100 ditë, pastaj jepjani 6 muaj, le ta kenë një vit, por tani është mbushur kupa. Është e vërtet që pushteti aktual ka trashëguar shumë probleme, por është më se e vërtet që ka vazhduar praktikën e vjetër të paraardhësit të mendoj vetëm për vete dhe votat. I burgosur në autizmin politik dhe vetëdijen e pallankës ku Komuna përjetohet si firmë private, e me të cilën krahas kësaj udhëhiqet në mënyrë joshtëpiake, nuk ka mundur të prezantoi asnjë vlerë të re në jetën politike të qytetit tonë. Përkundrazi, për dallim nga pushteti i kaluar, ky nuk arriti të funksionoi në mënyrë cilësore as brenda koalicionit të vet. Nuk ka projekte zhvillimore, përveç disa të qeverisë, e nuk ka as rroga për punëtor. Por para zgjedhjeve kishte punësime politike nga të gjitha anët dhe do të ketë edhe huamarrje shtesë. Dhe mbasi që askush nuk guxon të akuzoj qeverinë për asnjë problem, akuzojnë njëri tjetrin, në mënyrë primitive, në kafene, të bashkangjitur me fushatën pëshpëritëse. Nuk ka përparim në asnjë sferë të jetës publike, e Ulqini mbetet qyteti me rrogën mesatare më të vogël në shtet dhe e vetmja komunë e varfër në bregdet ”, pohon Abazoviq dhe shton që “është thjesht e pakuptueshme që disa, në dukje probleme të vogla komunale, nuk mund të zgjidhen. Për shembull: para xhamisë në Mëhallë të re vazhdimisht plehrat lihen në rrugë, por kjo nuk i pengon kryetarit, as deri para pak kohëve nënkryetarit të Komunës, të cilët një vit e gjysmë kalojnë afër tyre sepse jetojnë në afërsi, dhe ndërkohë nuk marrin masa për këtë çështje”.

“Në vend që të garojnë kush do të jetë më afër PDS-ës i cili, siç duket, qeverisë edhe pse është në opozitë, do të ishte më mirë të mendojnë si do të organizohen shërbimet e inspekcionit komunal këtë verë, që mos të na ndodh ajo çka ndodhi sezonin e kaluar: të kemi anarki dhe kolaps në qendër të qytetit. Për disa gjëra tani është vonë, por megjithatë, shumëçka mund të bëhet dhe të përmirësohet. Për këtë arsye sezoni që vjen është shansi i fundit për pushtetin lokal të tregoj sa di dhe sa mundet! Në të kundërt, zgjedhjet në vjeshtë janë gjithnjë e më të mundshëm. Dhe mos të harroj: kryetari duhet ta dorëzoj raportin e punës me të cilin është në vonesë të madhe. Nuk e di çka do të shkruaj në të, por nga goja dhe sytë e çdo qytetari të Ulqinit lexohet lehtë çka mendon për këtë mënyrë të udhëheqjes me qytetin, sidomos nëse i kanë parasysh premtimet e dhëna”, përfundoj Abazoviq.

Leave a Reply

Your email address will not be published. Required fields are marked *

Komuna: NË DITËT NË VIJIM NISË ZBUKURIMI I QYTETIT
Komuna: NË DITËT NË VIJIM NISË ZBUKURIMI I QYTETIT

Në fillim të javës së ardhshme do të fillojë zbukurimi tradicional i Ulqinit në prag të festave të Vitit të Ri dhe të Krishtlindjeve. Siç mësojmë, qyteti do të dekorohet shumë më larmishëm se në vitet

Emërimet – diplomacia: BERNARD ÇOBAJ DO TË JETË I NGARKUARI ME PUNË I MALIT TË ZI NË REPUBLIKËN E KOSOVËS
Emërimet – diplomacia: BERNARD ÇOBAJ DO TË JETË I NGARKUARI ME PUNË I MALIT TË ZI NË REPUBLIKËN E KOSOVËS

Zyrtari i Ministrisë së Punëve të Jashtme, Bernard Çobaj, së shpejti do të emërohet i ngarkuar me punë në Ambasadën e Malit të Zi në Prishtinë, mëson Portali Ul-info. Mali i Zi dhe Republika e Kosovës

Sweet December – Ulqini 2022/23: BAZARI I VITIT TË RI, YJET E MUZIKËS DHE SHUMË AKTIVITETE TË BUKURA
Sweet December – Ulqini 2022/23: BAZARI I VITIT TË RI, YJET E MUZIKËS DHE SHUMË AKTIVITETE TË BUKURA

  Nëse dëshironi që dhjetorin dhe festat e fundvitit ti kaloni në bregdet, Ulqini është zgjedhja juaj e duhur sepse kete vit Ulqini do të shëndrrohet në një destinacion feste, festat e fundvitit do

Akademia e shkencave e Shqipërisë dhe Art Club: 50-vjetori i Kongresit të Drejtshkrimit
Akademia e shkencave e Shqipërisë dhe Art Club: 50-vjetori i Kongresit të Drejtshkrimit

Shoqata e Artistëve dhe Intelektualëve “Art Club” në bashkëpunim me Akademinë e Shkencave të Shqipërisë do të organizojnë veprimtarinë shkencore dhe jubilare “NJË KOMB – NJË GJUHË LETRARE”, me rastin e

Komuna: NËNSHKRUHET KONTRATA PËR RIKONSTRUKSIONIN – ASFALTIMIN E BULEVARDIT TEUTA DHE RRUGËS “28 DHJETORI”
Komuna: NËNSHKRUHET KONTRATA PËR RIKONSTRUKSIONIN – ASFALTIMIN E BULEVARDIT TEUTA DHE RRUGËS “28 DHJETORI”

Komuna e Ulqinit dhe SH.P.K. Putevi Bar, si ofertues me ofertën më të volitshme, kanë lidhur Kontratën për Rindërtimin – Asfaltim të Bulevardit Teuta dhe Rrugës “28 Dhjetori”. Vlera e kontratës së nënshkruar