Nënkryetari i Lëvizjes qytetare URA Dritan Abazoviq ka deklaruar se është gjë e rrallë në botë që një qytet si Ulqini të jetë i varfër. “Nga ardhja e kësaj qeverisje në Mal të Zi qyteti është fundosur gjithnjë e më thellë nga viti në vit. Të gjitha privatizimit janë të gabuara, janë shembur hotelet më të mëdha, janë shkatërruar gjigantët ekonomik siç ishte Kriporja, ndërsa lulëzuan vetëm ndërtimi i egër dhe primitivizmi”, tha ai në intervistë për “Monitor”.
Abazoviq shprehu bindjen që “Ulqini, si shumë herë në historinë e vet të famshme, do të tejkalojë zullumin, do t’i fitojë këto zullumqarë dhe do të kthehet atje ku e lanë baballarët tanë”.
Ai theksoi që nga pesë çështje kyçe të cilët tash 25 vite brengosin komunitetin nacional shqiptar, asnjë nuk është zgjidhur. “Kemi të bëjmë me politik amatore të partive nacionale, e cila udhëhiqet vetëm për interesa personale, e mbështjellur me patriotizëm të rremë, rezultati i të cilës është standardi gjithnjë e më i dobët jetësor i popullit të cilin ato e përfaqësojnë”, shtoi Abazoviq.
