Kryeministri i Malit të Zi Dritan Abazoviq prezantoi të premten në Podgoricë rezultatet e punës së kabinetit të tij në 365 ditët e mëparshme.
Sipas tij, të gjitha qëllimet e planifikuara janë arritur dhe Qeveria gjatë gjithë asaj periudhe ka punuar “me shpejtësinë e gjashtë”.
Siç theksoi ai, Ulqini pret zhvillim të përshpejtuar, duke shtuar se pas sezonit pritet ndërtimi i hoteleve ekskluzive.
“Do të jenë të gjithë hotele me pesë yje. Investimi në ‘Jadran’ do të kalojë 50 milionë euro, ‘Galebi’ do të jetë hoteli më i madh në bregdet, rinovimi i ‘Mediteranit’ po ecën me shpejtësi. Javën e ardhshme do të prezantohet projekti për ‘Otrant’, i cili për mua është perfekt”, tha kryeministri Abazoviq.
