Administrata publike dhe shërbimet elektronike: NEVOJË E JETËS DHE E BIZNESIT MODERN

Qeveria e Malit të Zi vendosi si prioritet të vetin ndërtimin e një administrate publike efikase, racionale dhe transparente. Kjo administratë, siç theksojnë zyrtarët e shtetit, në hap me trendët modernë, do ta vendos qytetarin në rend të parë dhe do të përcaktojë një nivel të lartë të transparencës së institucioneve publike në epokën e teknologjive bashkëkohore të informacionit dhe komunikimit.

Në mënyrë sistematike këtë model e promovon dhe gradualisht e ndërton Bashkimi Evropian, me qëllim forcimin e rolit të tij në jetën e përditshme, respektivisht në gjetjen e zgjidhjeve inovative si themel për transformimin e shoqërisë së bazuar në dije.

Administrata publike ka për detyrë të ndihmojë në krijimin e parakushteve për pjesëmarrje më të lartë të qytetarëve, përmes teknologjive të informacionit dhe komunikimit. Kjo do të përmirësojë dhe rrisë efikasitetin dhe efektivitetin e punës së të gjithë organeve të administratës dhe do t’i bëjë ata më të qasshme për publikun. Njëkohësisht, kjo do të ndikojë në përmirësimin e mirëqenies sociale dhe cilësisë së jetës, duke lehtësuar komunikimin dhe ndërlidhjen e qytetarëve me administratën, si dhe duke nxitur efikasitetin dhe produktivitetin në të gjitha sferat e jetës shoqërore.

FOTO 1_shqip_text 1

Kjo arrihet përmes promovimit të të ashtuquajturve “e-Shërbime, të cilët paraqesin një pikë unike të kontaktit dhe të shërbimeve të administratës publike në marrëdhëniet “administratë – qytetar” dhe “administratë – biznes”, duke mbrojtur maksimalisht të dhënat personale dhe sigurinë e informacionit.

Siç treguan rezultatet e një hulumtimi rajonal të zhvilluar kohë më parë, ‘e-Shërbimet’ janë të panjohura për një të tretën e qytetarëve të Malit të Zi, ndërsa 42 përqind e tyre pohojnë se nuk i përdorin asnjëherë, ndërsa hulumtimi të cilin e realizoi kompania IPSOS për nevojat e UNDP-së në Mal të Zi, tregon se 45% e personave të cilët dinë për portalin “e-Administrata” nuk e kanë përdor sepse më shumë iu konvenon të kryejnë punë përmes kontaktit të drejtpërdrejtë. Është interesante që 47% e qytetarëve të cilët përdorin internetin, asnjëherë nuk shfrytëzojnë e-shërbimet e administratës publike, edhe pse janë të njoftuar me këtë mundësi.

Në vend që punët e veta qytetarët në Mal të Zi t’i kryejnë përmes disa klikimeve on-line, ata vazhdojnë të mbesin në botën off-line, duke pritur në radhë para sporteleve.

Man Communicating With Female Receptionist

Procesin e zhvillimit të e-Shërbimeve e koordinon Ministria e Administratës Publike dhe, në bashkëpunim me organet tjera, punon në avancimin e shërbimeve ekzistuese dhe krijimin e shërbimeve të reja. “Këtë vit në mënyrë të konsiderueshme është përmirësuar sistemi i e-Pjesëmarrjes dhe përsëri është aktivizuar portali e-Peticioni (https://epeticije.gov.me/), të cilët shpresojmë që do të ndikojnë në transparencën më të madhe të punës së organeve të administratës shtetërore si dhe pjesëmarrjen më cilësore të qytetarëve në proceset e krijimit të politikave publike. Po ashtu, këtë vit përmirësuam edhe funksionalitetin e caktimit elektronik të takimeve, kështu që në periudhën e ardhshme, në bashkëpunim me organet do të dakordojmë shërbimet të cilët do t’i mundësojnë qytetarëve caktimin e takimeve për shërbimet të cilat ofrohen në sportelet e institucioneve dhe në këtë mënyrë të rritet cilësia e shërbimeve”, deklaroi ministrja Suzana Pribiloviq.

FOTO 3_text 1 (1)

 Në situatën kur qytetarët nuk janë sa duhet aktivë, e-Pjesëmarrja mund të jenë impuls nxitës i rëndësishëm për tërë shoqërinë, veçanërisht në nivelin lokal ku qytetarët zakonisht janë më të interesuar që të jenë aktivë. Pra, kjo është rruga e krijimit të qytetarit aktiv edhe në nivelet tjera.

Komunikimi më i mirë me qytetarët, plotësimi i kërkesave dhe i pritshmërive të tyre, në mënyrë të drejtpërdrejtë do t’u ndihmojë vendimmarrësve në planifikimin dhe realizimin e detyrave dhe politikave të përcaktuara, ndërsa njëkohësisht përballë vetes do të kenë qytetarë të kënaqur të cilët do ta vlerësojnë këtë.

Kjo formë e ndërveprimit të qytetarëve dhe biznesit me administratën shtetërore, përkatësisht  atë lokale, vlerësohet si një nga mekanizmat e rëndësishëm anti-korrupsion. Hulumtimet tregojnë që madje rreth 60% të kompanive mendojnë që e-Shërbimet zvogëlojnë korrupsionin!

Teksti u hartua në kuadër të projektit “ZËRI IM NË KOMUNËN TIME”, të cilin e realizon OJQ Horizonti i Ri në partneritet me OJQ “Ul info” dhe Bibliotekën e Qytetit – Ulqin. Projekti mbështet nga Ministria e Administratës Publike e Malit të Zi, në kuadër të programit “e-Demokracia – merr pjesë, propozo, ndrysho”, në fushën e reformës së administratës publike. Përmbajtja e këtij teksti është përgjegjësi vetëm e autorit dhe në asnjë mënyrë nuk pasqyron qëndrimet e donatorit. Projekat, Projekti, Logo, Disclaimer

Leave a Reply

Your email address will not be published.

Keshilli Organizativ : PROTESTA NË KRYTHË SHTYHET PËR JAVËN E ARDHËSHME
Keshilli Organizativ : PROTESTA NË KRYTHË SHTYHET PËR JAVËN E ARDHËSHME

Ju informojme se pas ngjarjes tragjike te ndodhur ne qytetin e Cetines dhe ne shenje repekti ndaj familjeve te viktimave, Keshilli Organizativ i protestes se banoreve te Krythes dhe Mërkotit kane marre

Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN
Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN

Sekretari shtetëror i Ministrisë së Financave, dr Agron Ibrahimi, dhe drejtori i Drejtorisë për Investime Kapitale, Esmir Beqaj, do të qëndrojnë të hënën per vizitë zyrtare në Komunën e Ulqinit. Ato do

Në kuadër te IPA Mal i Zi – Kosovë 2014-2022: Është organizuar për gazetarë vizita studimore tek përfituesit e projekteve
Në kuadër te IPA Mal i Zi – Kosovë 2014-2022: Është organizuar për gazetarë vizita studimore tek përfituesit e projekteve

Sekretarijati i përçashkët teknik i programeve ndërkufitare Mal i Zi – Shqipëri dhe Mal i Zi – Kosovë ka irgnaizuar vizitë studimore për gazetarët e medijave malazeze, gjatë së cilës kanë vizituar përfituesit

Organizata turistike: KËNGËTARËT MË TË NJOHUR TË RAJONIT TË MUZIKËS KLASIKE TË MARTEN NË KALA
Organizata turistike: KËNGËTARËT MË TË NJOHUR TË RAJONIT TË MUZIKËS KLASIKE TË MARTEN NË KALA

  Organizata Turistike e Ulqinit në bashkepunim me Komunen e Ulqinit me date 16.08.2022, organizojnëkoncert të muzikës klasike me fillim në ora 20.30 nëambijetin e muzeut të Kalasë. Bëhet fjalë për tenorët

Bulevardi Teuta: SË SHPEJTI TENDERI, ASFALTIMI NË SHTATOR
Bulevardi Teuta: SË SHPEJTI TENDERI, ASFALTIMI NË SHTATOR

Komuna e Ulqinit me mbështetjen e Drejtorisë së Punëve Publike së shpejti do të shpallë tenderin për asfaltimin e Bulevardit Teuta, mëson Portali Ul-info. Pritet që kjo punë të kryhet menjëherë pas përfundimit