Javën e fundit në Ulqin është zhvilluar aksioni “Foshnjorja përgatitore për fëmijët romë dhe egjiptian”.
Sipas kumtesës së Ministrisë për pakica dhe të drejtat e njeriut, aksioni ishte i suksesshëm. “Me program janë përfshirë të gjithë fëmijët të cilët plotësojnë kushtin për regjistrim në shkollën fillore, e të cilët deri tani nuk shkuan në foshnjore apo nuk ishin të kyçur në procesin e edukimit dhe arsimimit”.
Njëkohësisht theksohet se integrimi i fëmijëve romë dhe egjiptian në arsim është proces, e jo ngjarje, si dhe që synimi përfundimtar është që arsimi të jetë i qasshëm për të gjithë.
