Komuna e Ulqinit ka angazhuar zyrën e avokatisë “Jovoviq, Mugosha dhe Vukoviq” nga Podgorica ta përfaqësojë në kontestin që mbahet para Komisionit për restitucion në Tivar për pronën në Shtoj ku duhet të ndërtohet akva parku, mëson Portali Ul-info.
Në administratën lokale janë të bindur se duhet të bëhen përpjekje shtesë ligjore në mënyrë që, mbas vendimit të Gjykatës së lartë dhe vendimit të Ministrisë së financave, ky kontest të përfundojë edhe tek organi i shkallës së parë.
Në komunë shpresojnë se deri në fillim të vjeshtës duhet të hiqen të gjithë dyshimet ligjore në mënyrë që të mundësohet fillimi i realizimit të investimit me vlerë 7,5 milion euro.
