Garuesit e Kik boks klubit “Albulena” në krye me trajnerët Agron Ujkashi dhe Jasmin Hot kanë arritur rezultat të madh në Grand Prix në Sarajevë, i cili u mbajt gjatë fundjavës.
Ato, në konkurrencën e 540 garuesve nga shtatë vende, kanë fituar 20 medalje: 2 të arta, 6 të argjendta dhe 12 të bronzta.
Medalje ari fituan Ardit Astafa, i cili përveç medaljes së arit fitoi edhe kupën për garuesin më të mirë në disiplinën Kick light, dhe Kadro Mollabeqiri.
Me medalje të argjendtë u stolisën: Amir Salaj, Antonio Lukiq, Ardian Ardi Gorana, Art Ujkashi, Basro Sadiku dhe Sara Lukoviq, gjersa medalje të bronzta fituan: Amin Malushi, Amina Sadiku, Antonio Lukiq, Ardian Zaga, Darko Glenxha, Faruk Hasanaga, Kadro Molabeqiri, Mark Elezoviq, Melind Hasanaga, Refik Refko Molabeqiri, Sergej Karagjinoviq dhe Seki Shexx Asanović.
