Nga Ndërmarrja publike për menaxhimin e të mirave detare për Portalin Ul-info është thënë se në bazë të analizave më të reja cilësia e ujit të detit në gati të gjithë plazhet përgjatë bregdetit të Ulqinit është e shkëlqyer, gjegjësisht K1.
Analizat të cilat janë kryer nga mesi i këtij muaji kanë treguar se cilësia e ujit ka kaluar kufijtë e lejuar në plazhin e hotelit “Lido”.
Shtohet se në këtë plazh Instituti për biologjinë e detit do të marrë mostrat e përsëritura të ujit të detit për të përcaktuar a bëhet fjalë për dukuri kaluese apo për ndotje të mundshme të ujit të detit.
