Asociacioni për prosperitet demokratik – Zid në bashkëpunim me Fondacionin Petroviq Njegosh të dielën ka organizuar akcionin e ndërtimit të sheshit të lojrave për fëmijë në Katërkollë.
Ky akcion mblodhi rreth 50 pjesëmarrës: vendas të Katërkollës, qytetarë të cilët treguan interes të ndihmojnë zhvillimin e komunitetit në të cilin jetojnë dhe të kontribuojnë në përmirsimin e cilësisë të kalimit të kohës të vogëlushëve të vet, si dhe një numër i madh i vullnetarëve të APD-Zid. Banorët e këtij fshati, së bashku me drejtorin e shkollës në oborrin e të cilës është ndërtuar ky shesh i lojrave kanë treguar vullnet të mirë dhe kanë dhënë kontributin e vet për qëllimin tonë që Ulqinin ta bëjmë qytet sipas qefit të fëmijëve, e ky ishte hapi jonë i parë drejtë këtij qëllimi të përbashkët.
Sheshi i lojrave për fëmijë në Ulqin është dashur të ndërtohet që në shtator dhe atë në oborrin e shkollës fillore “Marshall Tito”, por në mungesë të bashkëpunimit me institucionet lokale dhe përkundër të gjitha punëve përgatitëse dhe përpjekjes tonë nuk ishim në mundësi që ti vendosim pajisjet.
