Rreth 140 njerëz kanë pastruar dje bregdetin e Ulqini prej Valdanosit deri në grykë të Bunës, kanë njoftuar organizatorët e aksionit “Let’s do it Montenegro”.
Ato, siç tha për Portalin Ul-info koordinatorja e aksionit Nina Llonçareviq, gjatë katër orëve të kohëzgjatjes së aksionit kanë mbledhur afër 200 qese mbeturina.
Sipas fjalëve të saja, shumica e vullnetarëve ishin nga Podgorica, 35 persona i kanë angazhuar të Mirat detare, ndërsa kontribut të veçantë kanë dhënë dhe organizatat lokale: Mogul, OJQ Art D’olcionium, plazhi Mojito, OJQ “Buna” dhe OJQ “Ekovita”, si dhe të punësuarit në kompaninë “Real Estate” dhe zhytësit nga klubi D’olcinium.
