Art Club: KALIMERA POETIKE “BASRI ÇAPRIQI” VAZHDON TRADITËN, MË 4-6 GUSHT 2023 EDICIONI I 31-TË

Shoqata e Artistëve dhe Intelektualëve “Art Club” do të organizojë më 4-6 gusht 2023 edicionin e 31-të të manifestimit letrar Kalimera Poetike “Basri Çapriqi”, ku mysafirë do të jenë shkrimtarët Nazmi Rrahmani nga Kosova, Nurie Emrullai nga Maqedonia e Veriut dhe Primo Shllaku nga Shqipëria, të cilëve do t’u kushtohen mbrëmje autoriale.

Në rrugëtimin e saj 30-vjeçar, “Kalimera Poetike” ka kaluar nëpër faza të ndryshme, e ka ndryshuar konceptin fillestar dhe është shndërruar nga një manifestim masiv në një aktivitet elitar duke promovuar vlerat më të mira letrare. Ajo ka arritur të krijojë një traditë të mirë dhe ta ruajë cilësinë e saj, duke ftuar shkrimtarët që me shkrimin e tyre kanë lënë vërtet gjurmë në letërsi. E personifikuar me emrin e poetit dhe studiuesit të ndjerë Basri Çapriqi, edhe pas 30 vitesh ajo zhvillohet me po të njëjtin pasion të fillimit, duke u përpjekur të ruajë identitetin shqiptar në këto treva.

Kalimera Poetike “Basri Çapriqi” ka për qëllim promovimin e letërsisë shqipe dhe të letërsive që krijohen në vendet dhe gjuhët e tjera, por edhe njohjen e shkrimtarëve me njëri-tjetrin dhe krijimtarinë e tyre. Në të trajtohen edhe probleme të letërsisë, hidhen ide për bashkëpunime etj. Ajo konsiderohet ngjarja më e rëndësishme në fushën e letërsisë ndër shqiptarët në Malin e Zi dhe i ka dhënë impuls jetës kulturore në Ulqin, sidomos gjatë verës, dhe ia ka rritur namin Ulqinit në rrafshin kulturor gjithëkombëtar.

Edicioni i sivjetshëm do të zhvillohet në tri vende të ndryshme. Krahas sheshit në Muzeun në Kalanë e Ulqinit, ku do të zhvillohet ceremonia e hapjes së manifestimit dhe mbrëmja e parë autoriale, dy mbrëmjet tjera do të mbahen në Muzeun Etnografik – Draginë dhe Librarinë “Ulqini”, duke u përpjekur për të qenë sa më afër publikut.

 

Programi

 

E PREMTE, 4 gusht 2023

     (Muzeu në Kalanë e Ulqinit, ora 21:00) 

Hapja e manifestimit

Fjala përshëndetëse

Ismet Kallaba, kryetar i SHAI “Art Club”

 

Mbrëmje autoriale  

me shkrimtarin Nazmi Rrahmani

 

Flet për krijimtarinë e autorit

Anton Nikë Berisha, shkrimtar dhe

studiues i letërsisë

Moderator:

Anton Gojçaj

 

 

E SHTUNË, 5 gusht 2023

     (Muzeu Etnografik – Draginë, ora 21:00)    

 

Mbrëmje autoriale

me shkrimtaren Nurie Emrullai

 

Flet për krijimtarinë e autores

Rita Behadini, gazetare   

 

Lexon vargje:

Merita Smaja, aktore

 

Moderator:

Argëzon Sulejmani 

 

E DIEL, 6 gusht 2023

     (Libraria “Ulqini”, ora 21:00)

     

Mbrëmje autoriale

me shkrimtarin Primo Shllaku 

Moderatore:

Sabina Osmanoviq

 

Mbyllja e manifestimit

 

                       Shoqërojnë me muzikë: Anton Kaftalli (violinë) dhe Ares Fani (kitarë)

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…

Ulqin: KRYEMINISTRI I KOSOVËS URON NIMANBEGUN

“Ulqini ka zgjedhur mbrëmë një kryetar të ri për ta drejtuar e përshpejtuar komunën kah rruga e përparimit qytetar e kombëtar dhe zhvillimit ekonomik e shoqëror. Kryetari i ri, z. Nimanbegu më parë ka qenë