Drejtori i ndërmarrjes publike “Ujësjellës dhe kanalizim” në Ulqin Fehim Avdiu ka deklaruar që këto ditë Ulqini merr 40 litër ujë në sekondë nga Ujësjellësi regjional.
Ai shtoi që në shtator, kjo sasi do të reduktohet konsiderueshëm, gjegjësisht nga ky sistem do të merren 15l/sec, sa është marr edhe në qershor.
Sipas fjalëve të tija, këtë sezon Ulqini nuk do të ketë problem me furnizim me ujë nga burimet lokale, e për këtë, siç shtoi, kontribuuan reshjet gjatë korrikut.
