Axhemoviq: KREDIA NGA FONDI SË SHPEJTI, PRESIM PËR ATLAS BANKËN

Valdet-Axhemoviq-UlqinSekretari i Sekretariatit për buxhet dhe financa në komunë të Ulqinit Valdet Axhemoviq ka deklaruar që 564 mijë euro kredi nga Fondi investues-zhvillimor së shpejti do të jenë në dispozicion të administratës lokale. “Kjo kredi është çështje e kryer dhe pres që së shpejti do të disponojmë me mjetet e planifikuara të cilat do të caktohen për investime në infrastrukturë, gjegjësisht në shlyerjen e detyrimeve ndaj kreditorëve të cilët tashmë i kanë përfunduar punët e veta dhe presin që t’iu paguhet puna”, tha ai për “Dan”.

Duke folur për kredinë prej 1,2 milion euro për të cilin është marrë oferta prej Atlas bankës, dhe e cila do të përdorej për shlyerjen e pagave të prapambetura të punësuarve në komunë dhe ndërmarrje publike, Axhemoviq tha që akoma nuk ka përfunduar procesi i sigurimit të garancisë kreditore. “Kur kjo të përfundojë, Kuvendi prapë do të duhet të jap miratimin për hipotekë”, shtoi ai.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…