Basketbollistët e Ulqinit kanë fituar në ndeshjen e parë të xhiros së 15 të Ligës së parë Erste në basketboll skuadrën “Primorje” me rezultatin 83:70 (23:19, 19:14, 21:18, 20:19) dhe kështu mbajtën të gjallë shpresën për kualifikim në Superligë.
Ulqinakët deri në fund të pjesës së parë arritën epërsinë prej 8 pikësh, ndërsa në pjesën e dytë këtë epërsi e rritën dhe ndeshja përfundoi 83:70.
Më të mirët në skuadrën vendase ishin Nikolla Ivanoviq me 21 pikë dhe Darko Vujaçiq me 19.
Ulqinakët tani gjenden në mesin e tabelës me 22 pikë nga 15 ndeshjet e luajtura (shtatë fitore dhe tetë humbje).
Në xhiron e ardhshme Ulqini luan në Cetinë me skuadrën “Llovqen”.
