Futbollistët e Iskrës fituan dje në Danilovgrad Federalin 2:0, në ndeshjen e xhiros së pestë për plotësimin e Ligës së dytë të Malit të Zi, lajmëron agjencia MINA.
Kampioni i regjionit të mesëm është revanshuar kundërshtarit për humbjen në Ulqin dhe shënoi fitoren e dytë në barazh. Iskra përfundoi barazhin me nga dy fitore dhe humbje. Në këtë xhiro i lirë ishte Radniçki i Beranes.
Në xhiron e fundit, të mërkurën, Federali në Ulqin do të luaj me Radniçkin. Skuadrës nga Berane i mjafton një pikë për Ligën e dytë, derisa në rast të fitores së Federalit të tre ekipet do të kenë nga gjashtë pikë dhe udhëtarin në rangun më të lartë do ta vendos golovarazhi.
