Futbollistët e Federalit do të takohen të dielën në Danilovgrad me skuadrën “Iskra” në xhiron e pestë të barazhit për kualifikim në Ligën e dytë të Malit të Zi.
Kjo është ndeshje jashtëzakonisht e rëndësishme, sepse edhe barazimi do të ju mundësonte Ulqinakëve kualifikimin në Ligën e dytë.
Por, nëse pasnesër dështon, shansin për sukses do ta ketë tre ditë më vonë, para tifozëve të vet, në ndeshjen kundër skuadrës “Radniçki” nga Berane.
Plasmanin në barazh e arritën fituesit e tre regjioneve, Verior, Mesëm dhe Jugor.
Luhet në sistemin çdokush me çdokënd, në shtëpi dhe jashtë, ndërsa kualifikimin në Ligën e dytë do ta arrijë dy skuadrat më të mira.
