Koalicionit “Bashkë për të ardhmen e Ulqinit” në programin e saj për zhvillimin e arsimit ka transportit falas për nxënësit e shkollave fillore dhe të mesme.
Sistemi arsimor në Mal të Zi është i centralizuar në tërësi. Kompetencat e komunave në fushën e arsimit janë të kufizuara. Prandaj ne do të angazhohemi për decentralizimin e arsimit. Brenda kompetencave ekzistuese ligjore, ne do të zhvillojmë një politikë arsimore e cila ka për qëllim rritjen e cilësisë së arsimit dhe përmirësimin e kushteve nëpërmjet investimeve në institucionet arsimore.
Angazhimi ynë në fushën e arsimit do të përqendrohet në:
– Ngritjen në nivel më të lartë të cilësisë së arsimit fillor dhe të mesëm;
– Ofrimin e transportit falas për nxënësit e shkollave fillore dhe të mesme;
– Ofrimin e bursave për studentët e dalluar;
– Përzgjedhjen e drejtë të drejtuesve të shkollave;
Gjithashtu do të përpiqemi në hapjen e institucioneve të arsimit të lartë me seli në Ulqin.
