Në seancën konstituive të Kuvendit të Bashkësisë Islame në Mal të Zi, kryetar u zgjodh Isa Aloshi nga Ulqini, njoftoi kjo organizatë fetare.
Nënkryetarë të Kuvendit u zgjodhën Fadila Pepiq nga Rozhaja dhe Mensur Shala nga Podgorica, të cilët morën detyrën me një betim solemn.
Thuhet se për herë të parë në historinë e Bashkësisë Islame, në postin e nënkryetares u zgjodh një grua.
Siç theksoi reisi Rifat Fejziq, zgjedhja e Mensur Shalës për nënkryetar të Kuvendit dërgon mesazh se Bashkësia islame është e hapur për të gjithë.
Në fillim të seancës konstituive të Kuvendit, u këndua Fatihaja për dëshmorët e rënë në Gaza.
