Basketbollistët e Ulqinit kanë arritur në Bijello Pole kundër skuadrës “Jedinstvo” fitoren e katërt me radhë dhe kështu paralajmëruan luftën e madhe me Mornarin për plasman në Superligë. Skuadra e Momir Millatoviqit fitoi 69:71 (13:16, 21:22, 21:16, 14-17).
Lojë e barabartë është parë gjatë gjithë ndeshjes, në terren është zhvilluar betejë e vërtet, ndërsa Ulqinakët në fundin dramatik kishin më shumë fat dhe çuan në shtëpi dy pikë të arta.
Ulqini ka treguar lojë të shkëlqyer ekipore, pesë lojtarë kishin numër dyshifrorë të pikëve, ndërsa më efikas ndër to ishte Vujaçiq me 15 pikë, Medenica shënoi 14, ndërsa Ivanoviq 12.
