Nënkryetari i Komunës së Ulqinit i dërgoi letër Drejtorisë për trashëgimi kulturore me kërkesë që të niset procedura për regjistrimin e gjirit të Valdanosit në listën e trashëgimisë botërore kulturore dhe natyrore – UNESCO.
Siç thuhet në propozim, gjiri i Valdanosit ka vlerë universale. “Me regjistrimin në listën e UNESCO-SË do të sigurohej përmbushja e kritereve sociale, ekologjike dhe ekonomike dhe ruajtja e kësaj pjese unike të natyrës për të gjithë qytetarët e botës”, pohoi Beci.
Sipas fjalëve të tija, duhet të ruhet edhe më shumë kjo zonë e mrekullueshme: Ullishtën shekullore, plazhin, nëndetin, kepin Mendra dhe kodrën Mavrian.
Një pjesë e vogël e gjirit të Valdanosit që prej vitit 1968 është përfshirë në kategorinë Rezervat i zonës natyrore.
