Nënkryetarja e Komunës së Ulqinit Hadixha Gjoni do të jetë e pranishme nesër mbrëma në Venedik në hapjen e pavijonit të Malit të Zi në Bienalin e XV të arkitekturës.
Ajo është pjesë e delegacionit të Malit të Zi, të cilin e drejton ministri i zhvillimit të qëndrueshëm dhe turizmit Branimir Gvozdenoviq.
Tema e pavijonit të Malit të Zi është Projekti i Kripores së Ulqinit.
Qeveria e Malit të zi, fal sponsorëve, ka organizuar çarter fluturimin për të gjithë pjesëmarrësit e konkursit nacional.