Bilal Alaj: LAMTUMIRË DRITAN

Dritan Alaj In memoriam“Nuk vdes ai që mbulohet, por vdes ai që harrohet”

Lamtumirë Dritan. Pusho në paqe në krahët e të madhit Zot, e të gjithë të dashurve atje sipër. Më fal që nuk të përkëdhela dot e s’të dhashë një gotë ujë. Nuk e meritove një ikje të tillë, djali ynë, babai i përkushtuar i Dorianit dhe Erionës, vëllai i Jetës, bashkëshorti i Vahides, miku i Ulqinit, Anës së Malit, Krajës, Tivarit e më gjerë.

Nuk di ndryshe, as nuk mundem ndryshe ta përballoj largimin tënd nga kjo jetë. Pusho i qetë sepse ke ngelur i përjetshëm.

Të fala i bën nënës, sepse gjithmonë të thërriste “djali nënës, i bukri nënës, i miri nënës…” Ju deshën vetëm katër vite të bashkoheni në krahërorin e njëri-tjetrit, atje në botën e përjetshme, në xhehnet.

Nuk mund ta besoj se ti na e the lamtumirën e fundit tash që i mbushe 38 pranvera. E vërteta është që vdekja nuk njeh rend, as moshë, as person, por Ti punove ndershëm, jetove ndershëm dhe vdiqe ndershëm.

Lajmi për vdekjen e papritur u prit me dhimbje të madhe dhe pikëllim të thellë. U ndamë për herë të fundit me dhimbje, por edhe me krenari që patëm fatin e mirë të bindemi se shokët, miqtë dhe dashamirët e tu treguan respekt dhe konsideratë për ty, duke na respektuar dhe sadopak duke na zbutur dhimbjen e madhe edhe ne.

Vendi i punës në të cilin u ndodhe në momentin e fundit të jetës, më së miri flet për personalitetin, përcaktimin dhe përkushtimin ndaj bashkëqytetarëve të tu. Punën e ke dashur me zemër, e punove me shpirt dhe shpirtin e dhe në këtë profesion. Ke arritur rezultate spektakolare me punën e palodhur, dashurinë dhe përkushtimin për t’u dalë në ndihmë të gjithë atyre që trokiten në derën tënde.

Me qëndrimin, dashurinë dhe respektin ndaj klientëve, preferoje jo distancën por afërsinë, jo dekret as imponim, por respekt, dashuri dhe përkushtim.

Të vetëdijshëm se Ti nuk do të jesh më në mesin tonë, mungesën tënde nuk do ta zëvendësojë askush, duke falënderuar të madhin Zot për dy dhuratat më të shtrenjta – djalin Dorianin dhe vajzën Erionën, do të bëjmë përpjekje ta përballojmë këtë plagë të pashërueshme.

Kam obligim moral të falënderoj të gjithë shokët, miqtë dhe dashamirët që na ngushëlluan me praninë e tyre, me telefonata, mesazhe dhe telegrame ngushëllimi me rastin e vdekjes së babait, vëllait, bashkëshortit, nipit dhe mikut.

Qoftë i përjetshëm kujtimi ndaj Dritan Alajt.

Leave a Reply

Your email address will not be published.

Keshilli Organizativ : PROTESTA NË KRYTHË SHTYHET PËR JAVËN E ARDHËSHME
Keshilli Organizativ : PROTESTA NË KRYTHË SHTYHET PËR JAVËN E ARDHËSHME

Ju informojme se pas ngjarjes tragjike te ndodhur ne qytetin e Cetines dhe ne shenje repekti ndaj familjeve te viktimave, Keshilli Organizativ i protestes se banoreve te Krythes dhe Mërkotit kane marre

Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN
Bisedime rreth investimeve të shtetit IBRAHIMI DHE BEQAJ TË HËNËN ME BAJRAKTARIN

Sekretari shtetëror i Ministrisë së Financave, dr Agron Ibrahimi, dhe drejtori i Drejtorisë për Investime Kapitale, Esmir Beqaj, do të qëndrojnë të hënën per vizitë zyrtare në Komunën e Ulqinit. Ato do

Në kuadër te IPA Mal i Zi – Kosovë 2014-2022: Është organizuar për gazetarë vizita studimore tek përfituesit e projekteve
Në kuadër te IPA Mal i Zi – Kosovë 2014-2022: Është organizuar për gazetarë vizita studimore tek përfituesit e projekteve

Sekretarijati i përçashkët teknik i programeve ndërkufitare Mal i Zi – Shqipëri dhe Mal i Zi – Kosovë ka irgnaizuar vizitë studimore për gazetarët e medijave malazeze, gjatë së cilës kanë vizituar përfituesit

Organizata turistike: KËNGËTARËT MË TË NJOHUR TË RAJONIT TË MUZIKËS KLASIKE TË MARTEN NË KALA
Organizata turistike: KËNGËTARËT MË TË NJOHUR TË RAJONIT TË MUZIKËS KLASIKE TË MARTEN NË KALA

  Organizata Turistike e Ulqinit në bashkepunim me Komunen e Ulqinit me date 16.08.2022, organizojnëkoncert të muzikës klasike me fillim në ora 20.30 nëambijetin e muzeut të Kalasë. Bëhet fjalë për tenorët

Bulevardi Teuta: SË SHPEJTI TENDERI, ASFALTIMI NË SHTATOR
Bulevardi Teuta: SË SHPEJTI TENDERI, ASFALTIMI NË SHTATOR

Komuna e Ulqinit me mbështetjen e Drejtorisë së Punëve Publike së shpejti do të shpallë tenderin për asfaltimin e Bulevardit Teuta, mëson Portali Ul-info. Pritet që kjo punë të kryhet menjëherë pas përfundimit