Ndërmarrja hotelerike-turistike „Riviera e Ulqinit“ gjashtë muajt e para të këtij vit i ka përfunduar me humbje prej 723 mijë euro, që është diçka më pak në krahasim me periudhën e njëjtë të vitit të kaluar.
Të ardhurat e kësaj kompanije për një vit janë rritur nga 451 mijë në 566 mijë, por eshe shpenzimet e punës janë ngritur për rreth 90 mijë euro.
Detyrimet afatgjate të NHT „Riviera e Ulqinit“ për një vit janë rritur për diçka më shumë se gjysmë milioni euro.
Në „Rivierë“ megjithatë mendojnë që rezultatet e mira të punës në korrik dhe gusht do ta anulojnë minusin e krijuar, gjegjësisht që rezultatet financiare të sezonit do të jenë më të mira se vitin e kaluar.
Në këtë ndërmarrje më të madhe hotelerike-turistike në Ulqin momentalisht janë të punësuar 220 punëtorë.
