Është mendim unanim që Ulqini këtë sezon ishte më i pastër se sa vitet e mëparshme. Kësaj gjithsesi i ka kontribuar makinat e reja dhe mjetet më moderne, të cilat i siguroj komuna e Ulqinit, por, siç thekson drejtoresha e Ndërmarrjes publike “Veprimtari komunale” Zana Sarvan, makinat nuk funksionojnë vetvetiu.
“I kemi bërë të gjitha çfarë është në fuqinë tonë në mënyrë që pastërtia në qytet gjatë sezonit turistik të jetë në nivel sa më të mirë. Këtu para së gjithash mendoj që e kemi pasuruar gjelbërimin e qytetit dhe e kemi zbukuruar qytetin me sasi të mëdha të luleve”, tha ajo.
Pesha më e madhe për mirëmbajtjen e pasurisë është gjithmonë tek ekzekutuesit e drejtpërdrejtë, gjegjësisht punëtorëve në terren. Kanë punuar në mënyrë të palodhshme dhe janë munduar, dhe kjo është parë, ndërsa kësaj gjithsesi i ka kontribuar fakti që ndaj tyre janë shlyer praktikisht të gjitha detyrimet, përveç shpenzimeve për ushqim për disa muaj.
Ajo çka pason tani është analiza e asaj çfarë është bërë në mënyrë që sezonin tjetër komuna e Ulqinit të ishte më e rregulluar dhe më e pastër. Sepse, a duhet të kujtojmë që ky qytet para tre dekadave është shpallur si destinacioni më i pastër në tërë Adriatikun.
